السلام عليكم ورحمه الله وبركاته
بما انى فتوكه بحب الحلويات و بحبكو انتو اكتر قولت انقلكو تجربتى
فى عمل الاتشيز كيك طلعت بجد حلوه اووووووووووووى
و دى المقادير :
المكونات زى ما انتو شايفين
جبنه فلاديلفيا
قشطه
باكو جيلى اناناس او اى نوع تانى
بسكوت ساده
باكو كريم شانتيه
علبة صوص مخصوص للكيك وهتلاقيه بانواع كتير انا اخترت التوت الاسود
هى مكلفه شويه و هتيجى واحده وتقولى هو لازم يعنى تشيز كيك مالو الرز بلبن اهو مره من نفسنا بقى و النفس اماره بالسوء
الطريقة
انا طحنت البسكوت و حطيت عليه زبده سايحه ممكن تستخدى سمنه لحد ما يتشربه وبعدين تخدى البسكوت و تفردية فالصنيه
بعدين اخدت كل المكونات التانيه
القشطه و الجبنه فلاديلفيا و باكو الكريم شانتية والجيلى كوبايه جيلى دوبته فى ميه
و خلطتهم بالمضرب الكهربى لحد ما بقى زى الكريمه
ماما قالتلى مفروض كنت ضربت الكريم شانتيه لوحده الاول بس انا حطيت كلو ع بعضه و ضربتة
و بعدين نصبه فى الصنيه اللى ببسكوت ونحطه فالتلاجه لحد ما يمسك
انا مش مسك معايا فالتلاجه فا حطيته فالفريزر
و بعدين نحط الصوص ع الوش
و متغلطوش غلطتى مش تقطعوها قبل ما تمسك كويس
و بالهنا والشفا
ودى شكلها بعد التقطيع
http://files2.fatakat.com/2011/12/13248417356377.jpg