اخواتي العزيزات وخاصة المبتدئات جبت لكم وصفه سهله لحلو يجنن وطعمه تحفه وطريقته سهله جدا هو تورتة ميل فاي
http://files.fatakat.com/2010/5/1275168244.jpg انا بعت الصورة عشان تتحمسوا
المقادير:
1/عجينة ميل فاي جاهزه او بف باستري بس الكبيرة مش المربعات الصغيره ودي متوفره ورخيصه.
2/2تفاحه متقشرة ومتقطعه شرائح.
3/1 ملعقة سكر بودرة
4/1ملعقة قرفه
5/2 ملعقة مربي مشمش او اي نوع ماعدا التين والجزر.يعني مربي فواكه اي نوع
6/ا/2 كوب كريمة دريم ويب او كريم شانتيه
7/شوكولاته مبشوره او كريو او فواكه للتزيين
الطريقه:
نفرد عجينة الميل فاي بالنشابه علي رخامه بشوية دقيق لحد ما يبقي قطرها 3 او4ملي ونخرمها بالشوكه عشان ما تنفشلل
نحط العجينه في صينية التارت او صينية قصيرة الحواف
نرص في قلبها التفاح بشكل حلو ومرتب ثم نرش عليها بمصفي سلك السكر البودرة والقرفه وندخلها فرن متوسط الحراره لحد ما تستوي والتفاح يبقي دهبي ويستوي
نسيبها لما تبرد ونجيب المربي نحلها بشوية ميا دافيه وفرشاة الحلويات نلمع التورته كويس
نذوقها بالكريمه والشيكولاته او بالشكل اللي نحبه .قولولي ايه رأيكم.ولا تنسوا تدعولي بالعفو والعافيه وتقولو اللهم ارزقها العفو والعافيه.وبالف هنا وشفا.ملحوظه
ممكن تقدميه كده ويبقي تورته او تقطعيه ويبقي جاتوه.وما تنسو التقييم
ممنقول